Ukveqaqa Atauciuluku Agayun Aata,cam tamalkuan tegumiaqestii. Qiliim cali nunam tangrumalriim cali tangrumanrilnguum tamarmi taqestii.
Cali ukveqaqa Atauciuluku Uaspataq Iissuss Kristuussaq, Qetunraa Agayutem, kiingag irniara. Imna Ataminek yuurtelleq ciungatni tamarmeng allrakut. Tanqik Tanqigmek, Agayun Piciuguq. Cali tungiinek Agayutem Piciulriim yuurtellria. Taqellrunrilnguq atauciq eluuciqluku Atanillu; Elliinek ca tamarmi piurtellria. Wangkuta yugni pitekluta cali wangkuta anirtullerkarput pitekluku atralia qiliit tungiitnek, cali nauvikngaurtellria Anernermek Tanqilriamek, cali Mari-amek Nayaarmek yuurtellria. Ussukcautaat wankuta pitekluta Punti-am Pilat-am nalliini, cali nangteqelria cali qunguuqiit. Cali unguilria pingayuatni erenret alngautekumacimitun, cali qiliit tungiitnun mayulria, cali Aatami tallirpian tungiinun aqumelria, cali ataam atrararkauguq mavet nunamtenun ucurnartuumarmi, qanercetaaryarturluki yuucillritnek unguvalriit cali tuqumalriit. Imna Elliin angayuqaucia iquiciiquq akwarpak.
Cali ukveqaqa Anerneq Tanqilria Uaspataq Unguvalirturta, Imna Atamek anlalria. Imna Aata-llu cali Qetunraq-llu tungiinek ciktaarvikekvut cali nanraqput pitatekluku. Imna pruruk-atgun qallatellria. Ukveqaqa Atauciuluku, Tanqilria, Quyurngavik Apuustalartaq Agayuvik. Piusqurqa Atauciq Agayuvkauciq peggviat assiilnguut. Utaqaqa unguillerkaat tuqumalriit. Cali unguva ukaniku aturarkaq akwarpak.
Amiin.
Для доступа к другим материалам на рус. языке, щелкните здесь.