Credo catholic
Io crede in un Deo,
Patre omnipotente,
creator del celo e del terra,
de toto visibile e invisibile.
E in un Senior, Jesus Christo, Filio unigenite de Deo,
nascite ex le Patre ante omne seculos.
Deo de Deo, Lumine de Lumine, ver Deo de ver Deo, genite non facite,
consubstantial del Patre per qui toto esseva facite;
qui pro nos homines e pro nostre sanitate descendeva del celo.
Incarnate del Spirito Sancte ex le virgine Maria, facite homine,
crucifigite pro nos sub Pontio Pilato, ille pativa e esseva inhumate,
e se resurrigeva le tertie die, secundo le Scripturas,
e ascendeva in celo, pro seder al dextera del Patre.
E ille revenira con gloria pro judicar le viventes e le mortos: su
regno non habera fin.
E in le Spirito Sancte, Senior e vivificante, qui proveni del Patre e
del Filio,
qui con le Patre e le Filio insimul es adorate e glorificate; qui
parlava per le prophetas.
E in un Ecclesia, sancte, catholic e apostolic.
Io admitte un sol baptismo in remission del peccatos.
E io expecta le resurrection del mortos,
e le vita del seculos futur. Amen.